'O core

'O core è 'na strana bestia

sta là silenzioso, quieto

comm si nun te vulesse disturbà

se nun ce pienz, te scuorde perfino r'o tené

Poi a 'nu tratto succere qualcosa

'nu sguardo, 'na voce, 'nu suspiro

a capa vulesse ragionà

ma iss s'é già destato

E accummencia 'a tarantella, è 'na musica a festa

'nu tamburo ca vulesse fa sapé a tutto o munno

ca iss è 'nnammurat, ca vulesse ascí r'o piett

pe vasà chella vocca bella

Ma so' guaie si nunn'o può accuntentà

Torna subito silenzioso, Te leva 'o respiro

Addevient nemico suoje, se vulesse vendicà

'o core è ‘na strana bestia

Te po' da 'a vita e t'a po' levà

(Poesia del 2017 di Fulvio Mammone)